【養成頭家好吃力】陳豪大仔為入半山學校 月租7萬一家秘搬南灣豪宅

原本家住大埔比華利山嘅陳豪，點解呢排成日街坊look 喺淺水灣出現嘅呢？之唔係為咗啲仔女嘅前途囉！

生產力極強嘅陳豪陣茵媺，婚後三年抱三，一家五囗原本住喺大埔嘅比華利山別墅。眨下眼啲仔女開始大，喺時候諗諗升學問題。大仔Aiden 就快五歳，陳豪就幫佢揀咗半山一間比較冷門嘅國際幼稚園。由大埔去半山，來回車程閒閒地兩粒鐘，阿仔朝朝返學都呆呆滯滯，未訓醒咁樣，長期落去都唔係辦法。

為咗啲仔女，陳豪一家五囗前排秘密搬竇，由大埔upgrade 到南灣，同影后張曼玉、舒淇做鄰居。至於舊屋比華利山，據聞佢HOLD住間吉屋冇放租，一邊供緊樓，一邊又租屋。新屋月租7 萬，對於一個人養起成頭家嘅陳豪都咪話唔吃力架！

搬新屋就梗係多濕碎野要搞喇！呢日Aimee 湊住大仔去行傢私店，搬屋一闊三大，Aimee 專攻特價區執平貨，錫住老公荷包。阿媽專心揀野，阿仔就搞搞震冇時停。行完傢私店，Aimee 再去埋日本城格價，呢位陳師奶真係唔話得！買完野Aimee 做司機車住阿仔返去南灣新屋。 除咗賺錢養家，一放假陳豪就歸位做住家男幫手湊仔。呢日又見到佢楂車出發去湊仔放學。平時陳豪仲會做埋老婆嗰份，去超市買餸，廿四孝老公，真係非佢莫屬啦！

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...