【強國暴發戶背後】同開國元老拉關係 最後都成階下囚......

吉利汽車(175)在海外四出併購暢通無阻，近日就傳出其老細李書福老婆彭麗娟是習近平姨仔，記者向吉利汽車求證，回覆卻是：「不方便回答。」其實唔答先至係最高招！

任由外間無限想像，以往都有唔少石頭爆出嘅內地富豪與共產黨開國元老拉上關係，例如十幾年前的海域化工前老細葉劍波，當年被傳是葉劍英家族嘅親戚，近期涉及前民政事務局局長何志平貪污案華信能源主席葉簡明，40歲不到已過百億身家，還被捧為中國Rockefeller，當時亦有不少未經證實報道指葉簡明與葉劍英家族有關，唔通無端端發達又姓葉的都牽到葉家頭上？

再數十幾年前炒得興烚烚的蒙古能源，其中一名股東劉丞霖亦被指是已故軍委副主席劉華清個私生子，在大陸做生意講求關係(guanxi)，背後有咩人撐腰至為關鍵，正所謂都係鬥拋啫，然而葉劍波，葉簡明以及劉丞霖等人無獨有偶，最後都成階下囚或人間蒸發，狐假虎威，唔係好有益！

撰文：宗菁華

立即按此連結Download《壹週刊》: https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...