【家族有混血史?細佬似禾確特】大肚陳凱琳瘦到leggings都鬆 預產期前飲凍珍奶

就算cap帽口罩包到冚，但一樣認得出你啦陳凱琳！佗住籮咁大個肚，不過啲手手腳腳仲好瘦，fit到連leggings都可以起摺，再加埋一對十足外國人嘅深邃大眼睛，除咗你無第2個㗎喇！雖然Grace一直唔肯透露懷孕幾多個月，但據傳預產期係今年3月，尚有一個月就做媽咪，就咁睇，佢個肚又唔算好大喎。
呢日Grace一個人四圍行，又拎住部電話邊行邊撳，連過馬路都頭耷耷，政府新聞處都有教啦：「馬路唔係睇訊息嘅地方。」後果可以好嚴重㗎！
大肚婆需要戒口，特別係避免進食生冷嘢，不過Grace就入咗一間台式飲品店，嗌咗杯珍珠奶茶，睇佢純熟嘅搖杯技巧，斷估都好少戒口，不時飲凍飲。其實距離預產期只係一個月左右，穩陣啲忍埋佢啦，無謂要屋企人擔心吖嘛。
講開屋企人，早前Grace搞Baby Shower同細佬合照，令唔少網民驚訝細佬睇落越來越似混血兒，仲話有啲似英超球員禾確特，然後紛紛討論佢哋家族係咪有過混血史。其實兩姊弟細細個已經似混血樣，難怪網民會好奇，又的確耐人尋味。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...