【最抵得諗女友●真正Ali Pay】食飯睇戲全包 李佳芯無私奉獻貼男友

演小三上位，在新劇《波士早晨》的角色都是自私精，但現實中的李佳芯卻剛剛相反，對男友絕無計較，兼且甚有「奉獻」精神。
二人識於微時，拍拖三年多，近年李佳芯事業飛升，但陳炳銓身兼幕後，發力較慢。門不當戶不對，大台一度打壓，搞到她要收埋男友。

雖然低調拍拖，但其實李佳芯一直非常支持男友。「啲人以為Danny（陳炳銓）只係演員，其實佢讀舞台製作出身，身兼幕後，幾年前已經係舞台劇藝術總監。佢同Ali行山撻着，Ali欣賞佢有才華，舊年年尾佢同王宗堯夾份搞製作公司，樣樣都係錢，Ali好撐男友創業，所以出街嗰陣，佢俾晒大部分開支，錫住男友。」知情人說。

早前陳炳銓做柴可夫，接李佳芯去歎茶，二人孖住行入商場，沿途有講有笑，未算避忌。李佳芯一個箭步行去提款，確保水頭充足，然後跟陳炳銓去吃一盅兩件。雖然茶樓地方擠逼，但沒太多食客注意他們，所以李佳芯和男友吃得自在，邊食邊傾，好像有說不完的話題。
之後李佳芯主動埋單，陳炳銓跟她甚有默契，緊隨其後，接着便駕車一起返回將軍澳住所。
上週一（十九日），二人又拍拖出動，先在銅鑼灣I.T掃貨，然後再去買飛睇戲。李佳芯同樣主動付款，認真抵得諗。

相關新聞:
【欣賞有才華】李佳芯撐男友：佢有好多工作
http://bit.ly/2CMPTGa

身價暴漲 李佳芯一年搵五百萬
http://bit.ly/2EWRsay

【在所不計】 蔡少芬無嫌棄夫憑妻貴 楊怡出嫁無收禮金
http://bit.ly/2FA5agx

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...