【封面●富豪樂園保衞戰】粉嶺場助陳芷澄入奧運 全職高球手：收回就少個機會

除了粉嶺高球場，本港其他地方包括深水灣、清水灣及西貢滘西洲等地亦設高球場。但前港隊高爾夫球員林子豐強調，粉嶺場地不能被取替，「粉嶺練習場係最大，清水灣練習場可能去到一百八十碼就冇，佢有個網攔住，不過出去比賽嘅球手，我哋打出去嘅波可能有二百八十碼甚至三百碼，我哋好需要見到一百八十碼之後個波點樣飛出去，就係得粉嶺同滘西洲（球場）可以做到。」

然而對港隊成員來說，每日出入滘西洲練習耗時耗力，故多名成員也是主要在粉嶺高球場練習。現時他已轉為全職高爾夫球員，雖並非香港哥爾夫球會會員，但球會仍然容許他星期一至五入場練波。他認為如政府收回粉嶺高球場，將十分不利於本港高爾夫球運動發展，「冇咗個球場，就等於冇咗個機會！」

他續解釋，其好友兼本港女高爾夫球手陳芷澄，於前年能成為首名打入奧運的香港高球手，粉嶺球場有很大「功勞」，「就係因為球會呢幾年舉辦咗女子職業公開賽，如果佢哋冇舉辦呢場賽事，陳芷澄亦都唔會有機會贏到，就係因為佢贏咗（一六年）嗰場賽事，佢啲積分先足夠俾佢去奧運。」

林子豐指出，粉嶺高球場的「舊場」，符合國際賽設施準則，最適合舉辦女子賽事，但現時顧問報告中提出的「部分發展」方案，正是發展「舊場」，他希望政府考慮其他覓地建屋方案。

撰文：時事組
攝影：李育明

相關連結：
【封面●富豪樂園保衞戰】趙世曾簡炳墀撐留粉嶺場：香港大把地起樓
http://bit.ly/2ET2qNf

【封面●富豪樂園保衞戰】劏房戶呻政府填海起樓 都唔敢搞有錢人
http://bit.ly/2GtUjEn

【封面●富豪樂園保衞戰】顧問曾挪用政府機密 尹兆堅質疑嚴重低估建屋量
http://bit.ly/2ojBGLH

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...