【終於等到】《愛回家》池美麗還原飯腳妹Karen 可惜漏咗個重點未夠完美

千呼萬喚始出來，「飯腳妹」Karen嘅情節，終於喺《愛．回家》出現喇！女主角就梗係池美麗啦！以外型嚟講，池美麗必定係扮演Karen嘅最佳人選，而且佢亦不負眾望，令成個「飯腳妹」情節演繹得好搞笑、抵死。不過都唔係100%滿分神還原，事關漏咗一個好重要嘅部分，就係暴走港鐵避鏡頭！
「美麗飯腳妹」呢集仲有另一賣點，就係收兵氹人買保險嘅Anita！雖然佢喺劇中嘅行為好可恥，但單憑靚樣已經令好多觀眾鍾意佢，仲話好戥飾演者梁茵唔抵，事關佢由2012年至今大大話話踎咗TVB七年，可惜就算而家《愛．回家》備受觀眾喜歡，但出場次數依然有限，一星期頂多一兩次，仲要只係做佈景板得個側面。梁茵現年25歲，話大唔大，但眨下眼隨時登3，希望佢有多啲機會啦。
BTW，《愛．回家》呢啲處境劇長壽又受歡迎唔係無道理，畢竟觀眾唔使有追劇煩惱，每集都可獨立咁睇，睇少咗幾集又無乜太大影響，最重要係半個鐘短短地夠晒精簡，唔會好似其他大台劇咁加插啲無聊情節拖慢晒節奏（《大帥哥》除外），真係睇得輕鬆明快無負擔。

立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...