【拖行李行時代】繼續上內地歌唱節目踢館 許靖韻購物品味貼近內地人

自從18年參加咗內地真人騷《創造101》後，許靖韻喺大陸多咗好多粉絲，人氣好過香港好多。
今年2月，佢喺湖南衛視嘅歌唱節目《歌手》獲得全民舉薦資格後，成功於第八期與專家舉薦選手畢書盡PK獲勝，獲得《歌手》正式踢館資格。
睇佢最近嘅演出，愈嚟愈有自信同味道！將劉華嘅《我恨我痴心》同英文版《I hate myself for loving you》混埋一齊唱，結果唱到成個騷嘅觀眾high晒。
呢日，許靖韻趁有時間就同經理人一齊，拉住行李行時代廣場，係呀，真係有陣內地味。
咁都唔只，睇吓佢嘅購物口味先，哦，MCM背囊，同胞最愛。
「近朱者赤近墨者黑」，接觸內地人多，連購物品味都相近，許靖韻係人版之一！
雖然購物口味變咗，但佢唱歌係唱得愈嚟愈好，唔怪得師姐蔡卓妍咁撐佢，連瞓身主演嘅《非分熟女》電影主題曲，都俾許靖韻唱啦！
攝錄：東尼
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub