【呢餐原來係催涙飯】吳鎮宇鄭敬基搞喊盧宛茵：真係人間有情

上個世紀大台處境劇《卡拉屋企》，日前嚟個重聚日，一班主角難得聚首，雖然李婉華身在加拿大，當年另一要員秦煌又要開工，唔齊腳，但難得84歲嘅智慧老人楚原叔，都同埋老婆南紅姐出嚟見下大家。呢餐飯除咗聚舊，一班演員亦想俾Madam盧宛茵一個surprise嘅生日party，所以連今年角逐影帝嘅吳鎮宇，拍完戲都即刻趕嚟同Madam慶祝，加埋昔日呢個劇嘅編審陳寶華更專誠越洋facetime恭賀佢，就係各人嘅有心，搞到Madam好感動，吹完生日蠟燭就爆喊，仲猛咁講：人間有情。
壹仔都喺呢度，祝Madam 65歲生日快樂、身體健康、繼續演多啲好戲大家睇嘞！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app