【中環客愛打野戰】豪使5萬買玩具槍 《鎗王》改槍手開店：有人買嚟攝係枕頭底

今日是「哥哥」張國榮離開16週年的日子，他生前的遺作《鎗王》至今仍令人留下深刻印象，戲中哥哥與方中信為「鎗王」一位你爭我鬥。黎麒翔（Clarence）在《鎗王》及續集《鎗王之王》中飾演真槍實戰射擊（IPSC）靶場監督（Range Officer）。
他形容哥哥是不講多餘話、專心做事的人，「戲中佢有時掹槍嘅時候，會望自己槍袋，望左先拎出嚟，呢點其實冇咁專業，我就用空餘嘅時間同佢講一講。之後哥哥即刻pick up（跟上），好快，再roll機時候就望住槍靶。」
「哥哥係好專業嘅演員，無論係佢休息嘅時間，可能大家喺度傾緊偈嘅時候，佢會行開咗，諗下點樣將角色做得更加好，例如某啲表情、眼神。」
Clarence現實中是改槍師傅，槍技了得，最威水那次，將一隻蒼蠅打下來。近年，氣槍運動更見普及，中環的公子哥兒間也興起玩氣槍，爭做「鎗王」。4年前，他在中環開了一間氣槍舖「Bang Bang」，吸納中環客源。「如果講買玩具槍，大家梗係覺得去旺角廣華街，但好似好擠迫，港島人收工過九龍又唔方便。我哋諗法不如做一間舖頭，一入嚟就好舒服，有音樂、梳化，你會逗留得耐啲。士丹利街其實主要賣big boys toy，例如相機、音響，好多男士鍾意落嚟，所以就選址係呢度。」
為了增加知名度，開業初期用迷彩女郎在中環街上推廣，吸引中環人士駐足停留，生意額勁升30至40%。Clarence開業成本花了大概五、六百萬元，金額夠買一個新樓開放式單位，看似「肉赤」，但原來自「迷彩女郎」一招成功後，槍舖每年生意額平均增長亦達約25至30%，可見中環客實在捨得花錢。「有啲買嚟儲嘅都有，有啲好特別嘅，真係（將槍）攝係枕頭底嘅都有，好似好保護到自己嘅感覺。」究竟對在中環工作的banker、律師、企業老闆等專業人士來說，這些看似幼稚的「玩具槍」有何魅力？
打多過Golf 公子哥兒愛玩氣槍
「細個嗰陣已經好想玩，但係冇咁多資源去玩，大個有人提起不如去玩war game，我哋就開始get into（愛上）呢樣野，一發不可收拾。」即使一星期上足七日班，咖啡店老闆「80後」梁淦鈞（Alvin）也會盡量每周玩一次，相比之下Golf也只是每月玩一、兩次。他每次來都會花700至1,200元添置配套，「係一個非常減壓嘅運動，因為牽涉不同範疇嘅事，團隊合作運動性質，你要跑，先要有強健體魄。」
九巴家族後人雷兆光（James）也是常客，他自小就鑽研氣槍，「比賽我都打過無數咁多個」，他與志同道合好友的隊伍曾贏了15屆以上的公開賽冠軍。他見證氣槍演變，「最初都叫做『打超人』的年代。」何謂「打超人」？「即係你打好多槍，頂得到痛嘅就係未死啦！」後來使用氣槍的方式及比賽變得更加標準化，「我諗自從2000年打後那些人就開始收斂。」
氣槍彈打到皮肉上有多痛？Clarence指，1.2至1.3焦耳的力度，能夠令BB彈打穿一罐空可樂罐的兩邊。超過2焦耳的氣槍均屬受管制的槍械，故氣槍店內賣的都是2焦耳以下，而最厲害的原裝槍也只是1.6焦耳，殺傷力有限。
到底玩氣槍危險嗎？James稱，「我打咗咁多年，真係touch wood，係我嘅朋友嚟講未有受傷過。因為我哋好嚴格，隊長負責睇新人，唔可以講粗口，唔可以係安全區射槍。」嚴禁粗口？《鎗王》中，由張國榮飾演的角色，正正是受到挑釁而展開復仇。
在港島讀書的中一學生Justin和Tommy，玩了氣槍大概半年，看他們一臉稚氣，但是組裝氣槍起來也有板有眼，絕不遜色於大人。問他們有何得著，很快就回答：「我覺得係team work，因為你一個人對面有幾個人，如果你單獨行事就會好容易俾人射中，如果你一對人咁行察覺到前面有唔妥，就可以部署返再進攻。」
跟車送貨捱出頭
他廿年前爭取將氣槍納入IPSC，所研發及改良的BB子彈行銷海外。不過他入行時並非一帆風順，1988年入當時最大型的氣槍舖，躊躇滿志實踐兒時開始的興致，但是老闆卻安排他跟車送貨，而且一跟便是三年，他笑言「揸車揸到怕」。如何捱得過三年也做不到自己想做的工作？
他形容望到其他同事能夠處理槍枝時，都會「流晒口水」，點忍？「冇辦法你一定要付出。」他自信道，「不過我知道第日我會叻過佢！」終於，老闆賞識他真心想入這行，最終也讓他參與槍枝組裝工作。
怎樣才說得上是他心目中的槍王？他說的不是如何勝過對手的招數：「一個真正的槍王，好認識槍的危險性，好認識槍應該點樣好安全咁使用。」他笑說與老婆起衝突時身為槍手的他不代表佔上風：「用氣槍太慢，我老婆會用拖鞋，因為快呀嘛，『澎』一聲就搞掂，同一張摺凳冇乜分別嘅啫。說到氣槍的危險性，他很認同《鎗王》中的一句對白：「槍係唔會自己殺人，只係人揸住枝槍去殺人。」他續道：「5蚊都買到一把鉸剪，鉸剪絕對可以殺人，唔使買枝槍。」
撰文：邱嘉幸
攝錄：林志謙
立即下載《壹週刊》Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub