結婚邁向廿年玩呢啲 練海棠搞喊伍詠薇

伍詠薇（伍姑娘）為奇妙電視拍咗個節目《四小時生活圈》，喺距離香港四小時的國家，感受最貼地嘅生活，由買屋放租到買地投資，教大家核心外圍重新做人！

伍姑娘嘅日本之旅就快到完結，節目組特別同練海棠夾埋，準備製造一個浪晚驚喜去祝賀佢哋19周年結婚紀念！

拍攝當日，劇組人安排二人分別去到一間日本餐廳進行拍攝，仲特別請嚟日本快閃團隊Emotion Rise以及日本歌手渡梓，為伍姑娘送上最浪漫的驚喜。不過最最最驚喜，莫過於練海棠突然出現親手送花，仲自備結他自彈自唱，攪到伍姑娘尖叫仲喊埋出嚟。原來伍姑娘從未聽過老公自彈自唱，唔怪得之佢有咁大反應啦，就連佢老公都話緊張：「無試過唱歌比驚喜佢，我自己都好驚喜。」

伍姑娘喺節目入面都提過自己其實好懶，19周年無諗過慶祝，諗住等到20周年先，所以今次嘅安排令佢覺得好意外、好感動，又話：「其實自己成日上網睇見人地求婚都已經覺得好感動，今日竟然我自己感受到！真喺好開心。」，佢仲話未試過有一段關係可以咁長久：「我好幸福」，至於練海棠就話好感激太太一路以嚟嘅支持：「多謝佢一直支持、包容我，佢喺一個好新奇嘅女人，令我有一個新奇嘅旅程」。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...