【60歲仙氣祖母有70億身家】朱玲玲羅康瑞恩愛共擁4間上市公司：兩個人相處要合理｜即日娛頭

60歲朱玲玲同下個月就71歲嘅羅康瑞，經常十指緊扣拍拖，好恩愛呀！
羅康瑞幾忙都陪老婆買衫，日前又孖住出動，佢似乎同店員混熟晒，朱玲玲睇完衫，佢臨走仲笑住同店員講拜拜。
唔少富豪結婚，尤其係再婚，都會喺婚前有所部署，但羅康瑞08年喺新加坡再婚娶朱玲玲，就冇任何防避，仲即時向港交所申報，旗下四間上市公司同太太共同持有，當時股權總值46億。一做羅太，朱玲玲就有嘢揸手。
事隔多年，羅康瑞身家升咗唔少，今年福布斯估計佢有141億，如果同老婆一人一半，即係朱玲玲帳面都有70億喇！
不過兩個人相處又唔係成日要計算嘅，雖然加埋過百歲，不過佢哋仍然好溫馨，羅康瑞對住朱玲玲總係眉開眼笑，好冧個靚老婆。
朱玲玲話，佢老公係潮州人，好大男人。講到婚姻之道，佢就畀足面老公，話老公大過佢，聰明過佢，應該由老公講。但佢覺得兩個人相處要合理，同埋明白對方，仲話同老公好易相處，佢都係做番自己。
咁識畀面老公，難怪羅康瑞咁錫佢啦！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...