冷豔美女譚凱琪 食雪糕都魅力懾人

譚凱琪日前出席活動，企喺低胸露罅嘅女藝員身邊，譚凱琪似乎輸洩。實際上，行個性化型格美女路線嘅佢，單係一對美腿行到出街，莫講話男士們，就連女孩子都俾佢吸引住，爭住去集郵！

喺《平安谷》入面，譚凱琪作為少數嘅有學識女性，仲要不畏強權嘅堅強形象，已經夠晒型。換返時裝之後，亦自有一股懾人氣勢，散發出有距離嘅冷豔美感。譚凱琪睇落冷豔，而且係天寒地凍之中，都仲要買雪糕食，而且食得鬼死咁斯文，每一啖都會遮住個嘴。無計啦，cap帽、黑超、口罩全部無出動，以真面目示人，係要顧慮一下食相嘅。

另外，減肥係女士嘅終身事業，但講到食甜品、雪糕，大部份靚女都係忍唔住口，話要食埋今次先再減。不過睇嚟譚凱琪唔需要減啦，身形明顯瘦咗好多，塊面都尖晒，食幾多都得啦。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub