【央視節目跑出】細細粒扮韓紅 電臀舞贏周冠軍爆喊

之前喺內地節目《喜劇之王》扮韓紅扮到維肖維妙嘅細細粒（陳嘉佳），早前佢再飛去北京參加另一節目《星光大道》錄影，與內地素人進行演藝PK。今次佢再以韓紅LOOK亮相，並先後獻唱韓紅的《絨花》及《LET IT GO》。之後細細粒再以「小鳳姐LOOK」及花裙LOOK獻唱《上海灘》、《紅日》、《Monica》、《人間》。除了唱得，接受過地獄式「舞訓」的細細粒亦大晒舞技，連跳「胡巴舞」、BEYONCE的《CRAZY IN LOVE》和海草舞；為了搶FO，細細粒更自稱似容祖兒，並大跳「電臀舞」，獲得全場如雷掌聲。細細粒先後展現唱功、舞功、柔軟度及靈活度，結果與另一位內地精英齊齊成為周冠軍！

最搞笑嘅係當司儀公布佢係冠軍嗰陣，佢覺得難以置信，仲天然呆咗一分鐘，直到企喺佢旁邊嘅參賽者提佢，佢先如夢初醒，即時爆喊仲激動到口齒不清。

小寶事後接受訪問，坦言對於自己能夠獲得周冠軍難以置信，佢仲笑話：「雖然我真係好努力練咗好耐，但我因為又要講國語又要好短時間內換衫好緊張，加上個個都臥虎藏龍，所以我真心係冇諗過有獎攞。」

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...