【割胸留子宮】性別不被承認 跨仔:為何要僭建沒用的陽具?

梁儷覺（Sho）天生女兒身，男兒心，「由細到大都冇覺得自己係女仔。」跟自己的性別身份糾纏了三十多年後，他在2013年開始接受精神評估、2017年切除乳房，現時以男性身份生活。但由於未有完成下身的手術（包括切除子宮、卵巢、僭建陽具），身份證上仍寫著「女」，「老實講，日常生活會有幾何會拎身份證出嚟？我親身感受係， 咁反而會為要面對我嘅人帶來麻煩。」例子一：Sho去銀行開戶口，因為不想銀行的書信以「小姐」稱呼他，故帶同已更改性別的BNO證明自身(在英國的《性別承認法》下，跨性別人士只需提供醫學證明，便可更改性別，毋需完成整套變性手術)。結果銀行經理下逐客令，「我哋做嘢好認真，你身份證同passport嘅性別唔同，我唔可以俾你開戶。」例子二，電訊商或銀行來電，一但要核對個人資料，接線生馬上陷入兩難。Sho在男性賀爾蒙影響下明明老牛咁聲，記錄上偏偏是「女」。要不即時變聲做「中國移動黃玉珍」，要不去門市走一趟。「平心而論，睇住自己passport上寫住『M』係開心嘅。覺得呢個先係屬於自己、有人認可自己。拎住passport去旅行過關亦都方便好多。」「冇春就唔係男人」的想法在香港根深蒂固。一想到生理結構跟自己不盡相同的跨性別人士，居然要求與自己並稱為男人/女人，明光社仩人又會恐懼非常，「有精神科醫生、內分泌科、心理學家嘅評估，已經足夠證明你係咪有性別認同障礙，係咪需要做晒全套手術呢？」下身手術的風險極高，很多「跨仔」（女變男）都不會以身犯險，「最主要問題係，做咗佢都係function唔到，做嚟好似只係呃自己咁。我唔會咁大工程去呃自己。」
但現時香港距離制定《性別承認法》仍遙遙無期。2013年終審法院裁定變性人W 小姐司法覆核勝訴，表明完成整套性別重置手術的跨性別人士，有權與異性結婚。終院並暫緩執行判令，容許政府在一年內，參考英國的《性別承認法》修例。《性別承認法》的重要一環，正是釐清哪些跨性別人士可獲性別承認。政府雖然成立了性別承認跨部門工作小組，但一如既往，與政治任務無關的工作，政府總是採取拖字決。Sho的身份證上的性別，不知何時才能撥亂反正。
撰文：蔡慧敏
攝影：胡智堅、林志謙
「壹起出手，撐新聞自由！」
立即免費訂閱

《壹週刊》 登記成為壹會員，睇盡獨家內容，會員活動！
http://bit.ly/NextSubscrition30
【逐步教學】立即登記訂閱

《壹週刊》！ 免費無阻睇盡全部精彩內容
http://bit.ly/2UWG7hI