【鐵票無敵方國珊】哪吒攻陷「討厭政治」首投族

立法會三一一補選，方國珊在新界東一舉拿下64950票，比起2016年的換屆選舉，足足多了一倍，下屆大有機會佔一席位。其實一六年方國珊僅以1000票敗予長毛梁國雄，未能取得末席，但票數比今次的對手、范國威和鄧家彪都要多。難怪已經第五次參選的「哪吒」，雖然再次敗北，仍覺得人生滿希望：「我信沒有奇蹟，只有多年累積。」

 

這64950票「醇度」有幾高？方國珊的鐵粉，可不是用大躍進的土高爐練出來。將軍澳街坊對市長絶對出心出力。今次參選，義工人數比以往倍增，「每一張入屋的單張，都要貼郵記地址。佢哋唔計較，喺自己屋企、一板貨、幾百盒，一家大細貼貼紙，仲要捐埋二千蚊俾我。佢個仔係牙醫，佢自己係退休公務員。錢又出埋，又唔介意我輸咗咁多次，仲想點呀？」

 

上次選舉後聲稱彈盡糧絶，今次眾籌有五十萬進脹。有住唐明苑的婆婆，由將軍澳行到調景嶺，就是為了捐一百元給她；又有早年喪夫的藍領女工，因為受過方國珊幫助，現在仔大女大，特別封了五千元大利是給她上彈。方國珊自言慳家，是次選舉開支不超過150萬，加上政府「回贈」、每票十四元的候選人資助，回本有望，下次仍有力一戰，「村民鼓勵你，千金都買唔到。佢直頭跳住跳住咁攬實你喎，夫復何求？呢種熱情我抗拒唔到，我就被佢哋俘擄咗。」

 

這些都是討厭政治、非卿不投的基本盤。值得留意的，是方國珊成功衝出堆填區，在沙田、大埔和北區的票數增長有120%，「文錦渡瀝青廠附近的居民，會幫我在粉嶺、上水站企街站。原因好簡單，當佢哋日日聞緊瀝青味時，肯出來幫手抗爭的，只有方國珊。我冇計較佢哋選票唔算多。」「其實香港人好實際，幫過佢就會報恩。新界東好得意，（選民）個網結出嚟，就會『呯呤嘭唥』，有將軍澳街坊、有沙田居民、佢哋又有親戚住北區，自然會傳口碑。」

 

「今次的票數，反映選民欣賞一個有毅力人、多於政治論述。當然你本身要係一個勤奮的議員，市場上真係缺貨。」補選剛剛落幕，她謝票之餘，亦順便開街站做選民登記，「(歷年來)經我手已經派出了八萬份選民登記表，我自己親手做的都有萬幾張。有啲從來唔投票，見到我咁  所以登記。」「其實做選民登記唔容易。市民對你好有信心，先會俾個身份證你抄。特別而家要地址證明，加倍困難。呢個我都歡迎，因為我都好憎人種票嘛。」「（全港）730萬人，有400幾萬唔願意做選民登記，其實啲政團應該反醒吓，點解自己咁唔受歡迎？」



《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...