【生意回顧●享受返工】唔一定做醫生律師 電競椅老闆：工作就係做緊中意既嘢！

「中學時日日不停打七至八個鐘機都得，但而家年紀大咗，又要打理生意，一個月打到一、兩次已經好滿足。」二十八歲的Jeffrey笑指自己雖已退下火線，但仍緊貼電競圈潮流。「工作有一半時間離不開我鍾意嘅嘢，識到打機及做周邊產品嘅同路人，好享受返工！」三子一直積極貢獻遊戲《Dota2》的社群，每月也會花一定金錢在宣傳及贊助相關比賽，最近更榮升至軍師及經理人，找到五名男子，組成電競團隊Azure Esports，代表香港出賽。「我哋大家各有正職，Zenox提供場地，又代安排出國，幫我哋分擔好多行政壓力。」隊長Gary分享。當中只有二十一歲，屬最年輕隊員的Mouse指︰「如果有機會奪得冠軍，我會考慮轉全職打比賽，呢個係每一個男人小時候嘅夢想！」

 

打機除了是男士們的夢想，也成了不少人的事業。簡迪勉（Damien）是三子的中學同學，去年年中從澳洲回流，加入公司，成為合伙人。「我喺當地住咗十年，一直同佢哋靠打機維繫long D！今次返嚟主力做產品設計，會同大公司如華碩合作出產品。」早育有一子，次子也快將出生的Damien，以父母角度分享其對電競的看法︰「澳洲對非主流行業例如藍領或係電競選手，都會一視同仁，唔一定要做醫生律師。佢哋認為只要小朋友有自己理想，為自己目標奮鬥，已好值得欣賞。」

 

採訪︰黃綺敏
攝錄︰梁正平

 

相關新聞︰
【生意回顧●高速彈起】170度瞓低打機 電競椅月賺12萬
http://bit.ly/2EHklXo

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub