許志安流感初癒 孖沈震軒又唱又跳

早前中咗乙型流感嘅許志安（安仔），前晚喺深圳灣春繭體育館舉行佢嘅「許志安演唱會2018深圳站」。大病初癒嘅佢顯然已經回復狀態，又唱又跳之餘，更著住皮褸扮「古惑仔」演唱《友情歲月》，唱到興起之際更除剩一件魚網背心，顯露狂野嘅一面，令全場情緒高漲。之後佢仲同四名女舞蹈員大跳火辣辣貼身熱舞唱出《徹夜纏綿》，令場面更加溫，可謂高潮疊起。
而安仔亦藉住今次演唱會情深獻唱恩師梅艷芳名曲《親密愛人》，多謝佢一直以嚟嘅教道。
安仔仲特別邀請樂隊指揮Joey Tang和沈震軒做嘉賓。安仔提起戰友，感觸講：「Joey Tang一直與我走遍大大小小的不同舞台，由電台表演至世界各地，他都在我身邊。」。而師弟沈震軒就獻唱《我真的很好》，之後二人仲一齊合唱《讓愛》。對於今次有機會同大師兄安仔同台演出，沈震軒話好似發緊夢咁，好開心，好感動。佢之後仲喺微博上咁一張同安仔嘅床照，仲多謝對方添。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...