【日本最靚仔高中生】琦玉縣代表奪冠 網民：太似女仔啦！

日本每年都有最美高中生選舉，不過每年嘅參賽者，都會被指質素參差。今年嘅冠軍亞怜，唔少網民都表示：「乜日本無晒靚女？」
選完最靚女嘅，當然要選埋最靚仔高中生啦。今年十強嘅水準似乎比往年好，不過有幾位參賽者喺自己Instagram Po嘅相同官方硬照差得有啲遠喎。就例如新瀉縣代表佐藤三平同德島縣代表網代聖人，啲相簡直係判若兩人啊！再睇下初選時山口縣嘅參賽者，真係不禁令人懷疑呢個比賽嘅認受性。
最終冠軍係琦玉縣代表新原泰佑，外表夠晒可愛，呢種草食男迷倒一眾姐姐同少女。佢喺獲獎時仲開心到喊，一班姐姐見到實好心痛啦。但呢啲咁Cute嘅樣唔係人人鍾意，有網民就話佢個樣太女仔啦，不過無可否認係一眾選手中，佢個樣係幾出眾嘅！