【贏10隻公仔】狄以達舊愛港姐陳曉華扔到嬲豬：戴祖儀係神隊友

每年冬天開嘅AIA嘉年華都吸引到唔少人去，《壹》仔喺入面都撞到唔少星。呢日《壹》仔見到應屆港姐冠軍陳曉華同戴祖儀一齊去玩，同行仲有落選港姐鞏姿希Krystal仲有個男仔朋友，一行四人去挑戰扔公仔。Joey同Hera兩個扔得好認真，但扔極唔中，搞到Hera黑住面咁話唔玩啦。
不過好彩班Friend係高手，原來佢哋一早就已經扔到成袋公仔，雖然唔係大大隻，但都好可愛。咁多公仔喺手，當然要影相Post IG晒命，三個女仔輪流拎住啲公仔影相。啲公仔多到兩隻手都拎唔晒，Joey幫手將啲公仔放上Hera衫到晾住。兼做埋攝影師。輪到Joey影相，Hera就做返攝影師，兩個夠晒老友！影相期間Hera發現《壹》仔仲有向我地打招呼，好有禮貌㗎。
影完單人照，三個女仔仲要影埋合照，攝影師就自然輪到個男仔朋友做啦，好彩佢夠耐性，對住三個女仔不斷轉Pose佢都慢慢影，無唔耐煩之餘仲幫Joey孭住個袋。玩完，相都影埋，佢哋就走啦。睇返佢哋IG，原來成功贏到咁多公仔都係Joey嘅功勞，Hera都話要多得神隊友啊。

立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...