【冷門電影好感動】唐寧睇好凌文龍做影帝

凌文龍08年加入香港話劇團而成為全職演員，第一次拍戲嘅佢，憑住同毛舜筠演嘅《黃金花》角逐今屆金像獎嘅「最佳新演員」同「最佳男主角」，好勁呀！《黃金花》呢晚同保險公司搞咗個慈善放映會，除咗男主角凌文龍，仲有「匡智大使」唐寧。自從上年爆咗離婚後，唐寧都冇乜出席公開活動，今次現身，純粹支持本土好電影。

佢睇完套戲後，對凌文龍有讚冇彈，仲話睇好對方做影帝。佢話：「啱啱睇完《黃金花》呢套電影，自己都好感動，好開心有部冷門嘅電影拍到出嚟，其實入面講緊嘅小眾，真係好需要大家去了解多啲，呢套電影喺唔同範疇，無論喺家庭入面，佢哋有個自閉症嘅囝囝，呢啲描述做得好好，好清晰好清楚好好睇，所以好值得大家入場支持！」凌文龍就話冇乜壓力，得到提名已經受寵若驚，其他嘢冇諗咁多喎，仲好開心咁話已經有啲新劇本傾緊。

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...