【傷後第一擊】為 Sammi客串 劉華埋位拍《花椒之味》

上年年初，劉華喺泰國意外墮馬,休息接近八個月，劉華終於行得走得，出黎見下班fans喇。之前仲話暫時唔會拍戲嘅劉華，竟然為咗一個人提早開工？之唔係佢嘅好拍擋Sammi 囉！

無錯啦！劉華復出第一套客串電影，就係同Sammi 合作愛情文藝片《花椒之味》。 劇本係改編自張小嫻嘅小說《我的愛如此麻辣》，故事圍繞住一間麻辣火鍋店，老闆意外過身之後，飾演佢個女嘅Sammi 會接管爸爸嘅火鍋店，同時又發現原來爸爸仲有兩個私生女。喺情緒崩潰之下，又遇返前男友劉華，陪佢渡過難關。喺戲中劉華飾演港大經濟學教授，之前盛傳由台灣演員李程彬飾演，之後又傳係張繼聰，不過最後統統都唔係！

新戲預計四月頭開工，會喺香港同台灣取景，除咗有劉華客串，另外任賢齊都會參演，其他演員仲有李曉峰、賴雅妍、B哥哥、恬忸、白只，個個都係實力派。 計下數，原來劉華配Sammi 呢個黃金組合，已經五年冇合作，佢哋對上一套合作嘅電影已經13 年嘅《盲探》。

今次劉華出山後第一套電影，除咗因為Sammi ，仲有呢套戲嘅監制許鞍華，之前佢地合作電影《桃姐》，令劉華成功奪得金馬同金像影帝。早幾日，《壹仔》先撞到許鞍華喺time square 門囗漫無目的兩頭望，之後仲煲咗一陣煙，唔通喺度睇景？

相關新聞：

【影壇神話】十八年合作無間 劉華Sammi 票房未輸過
http://bit.ly/2IPCT6Z

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...