【歌手患罕見病】巨聲幫陳康健治病花盡積蓄 :食一餐暈一餐好辛苦

陳康健。

09年巨聲幫出身，有「港版曹格」之稱，但一直在大台只擔任二打六角色。教唱歌的他近年busking，開始被關注其才華，早前在赤柱busking，連側田都來撐，即刻合唱，成為話題。

名字「康健」，但年多前他要面對一場不知何時康復的罕見免疫系統疾病。「我個病同啲免疫系統病相似，例如類風濕關節炎，紅斑狼瘡。最嚴重時係年幾前拍《我瞞結婚了》，食一餐，暈一餐，好辛苦，又要拍劇唔請得假，再過多一排拍完，就成身嘅關節好痛。起初以為係癌症，因為有好多一粒一粒淋巴腫起咗，就係咁樣先至check到，仲要抽血。但搵到病因但搵唔到點醫，所以先至會食類固醇。食嗰下好舒服，食完之後更加辛苦，所有副作用一停藥就嚟！」陳康健說。

失健康，無法承受捱更抵夜的拍劇工作，又要醫藥費，徬徨嗎？

「無energy去工作，好在我有一技之長，可以教唱歌，呢瓣唔需要太勞動，又換來一定收入去維持生活，如果唔係都唔知點。其實西醫上係有個好快嘅醫治新方法，但試過嘅人寥寥可數，亦未知有幾多副作用，呢個方法酈要十幾萬，其實係一啲標靶藥。」

最後陳康健冇試標靶藥，反得長輩教友奚秀蘭幫助下，接受生物共振療法，他說病情總算得了舒緩。

康復冇期，由辛苦到得以舒緩，反覆的病情令陳康健身心皆累，更坦言經歷過輕度抑鬱。病者的路是孤單，若身邊人不能一同分擔感受，最終還是走上分手路。當陳康健病住拍拖，經常頭暈休息，他早有心理準備，這段關係難以走下去。「食一餐飯暈個幾鐘，要搵地方休息，好辛苦，唔想咁樣……算係和平分手，仲好啦！」

今日他可以背住結他在赤柱busking出一遍天，除靠意志，信仰也是他的支柱。「好多人覺得有病，人生就玩完，但我哋呢啲有信仰嘅人，

唔係咁諗，會好清楚，總之對佢有信心，佢一定幫你渡過難關，兼夾幫你個人成長。」願陳康健，有一天重拾康健。

立即按此連結Download《壹週刊》:

https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...