【狗年行大運】譚小環老公肺癌康復 名下小食舖再開分店

譚小環老公早前不幸患上肺癌，以為佢哋為養病、健康著想，對渣哥魚蛋放軟手腳。點知一排無見，兩公婆安排渣哥員工享受春茗之餘，更宣佈老公肺癌好番晒，而且渣哥再開分店，總數將會升到六間咁多，睇怕狗年有排行運呀！

「康復進度好快速，做完手術到而家都4、5個月，好番晒喇，醫生都叫我多做啲運動。慢慢做吓運動練吓呼吸，始終割咗5分2嘅肺，呼吸弱少少，但都OK嘅，正常生活、郁動全部無問題。」譚小環夫婦說。

大步檻過又適逢新年大時大節，梗係要開開心心食餐飯賀一賀佢啦，而且譚小環夫婦大手筆，派完利是、抽埋禮仲有現金獎，皆因又開分店，長賺長有。
「咁都幾好彩，因為地鐵傾咗好耐，決定批兩間俾我哋，咁好嘅機會唔想嘥，年中接咗間舖就開始裝修，我諗大概7、8月左右開。」

譚小環兩公婆唔奢望渣哥上市，但都想開多幾間分店。
「其實做好呢幾間先啦，我哋靠實力，慢慢按步就班，咁先符合我原則，我就唔係大膽嘅人，只要穩穩陣陣，提供好服務俾大家，我覺得慢慢發展囉，唔好心急。」

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...