【生意回顧】員工賣月餅倒蝕今年謀再搞 洗米仔：專心工作好啲！

Patrick就指，上年因「蟹貨」太多，原本一六年賣近四千多盒月餅，變成上年的二千盒，埋單蝕了六位數：「嘩…(生意)跌咗一半，pakho(洗米仔)佢有問(點解搞成咁)，當然，係咁取笑我。」 對於上年有大量網店紛紛提供月餅外送服務，Patrick就否認搶了他的生意：「市場係夠大，大家先有得做，好似HKTVmall、deliveroo都有送月餅，大家做嘅品牌都唔同，因為月餅嘅牌子都有百幾款，唔可以全部都做。都有人講市況係差咗，多競爭都有人咁講，無人會完全知道真相。」

至於Patrick的月餅生意只是股東之一，問到其他老闆有否怨言，他就答：「有時諗番起，真係問人借錢比較好，自己借錢嘅話就同自己負責，加入股東就…」，但他就坦言今年密謀再接再厲：「今年做嘅話就要聰明啲，好似全部做寄賣，同餅家、食品公司建立好啲關係，喺中秋前大半年已經要賣其他嘢，同客人之間建立關係，咁就易處理得多。一係全部寄賣、或者全部做交易所形式，好似只係做倉，淨係喺我個邊做交收，turnover回轉能力就可以很大，我投資就可以少好多。」

至於洗米仔就指早就叫Patrick不要分心：「我覺得最緊要係focus，如果只係做一樣嘢，結果就會好啲。」他坦然自己亦幫手吃了不少月餅：「係淨…淨咗好多貨，其實都OK嘅，只係無之前那麼好。」他最後不忘忠告Patrick：「依度已經有好多嘢做，所以就唔使再賣啦。」

撰文：梁延宇

攝錄：關永浩

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinefansclub