真真正正過狗年 義工幫狗仔籌利是

踏入狗年，香港各大商場都放滿狗仔擺設，年宵又大賣狗公仔，連利是封上面都係狗。當大家收利是收到冇停手嘅時候，有冇諗過其實一封利是，可以幫到活生生嘅狗仔？

《壹》仔見到唔少拯救動物嘅組織都趁住狗年，呼籲大家關心同愛護身邊嘅狗狗，特別係無家可歸嘅狗仔。好似例如SPCA同香港拯救貓狗協會，都有叫人捐出一兩封利是，幫吓一班毛孩，亦都有香港義工幫狗仔籌「利是」，捐作救助流浪狗之用。

另外，一班政界中人都捉緊潮流嘅尾巴，好似新東補選候選人范國威咁，我哋之前都講過佢畫畫厲害，新春喜慶日子，佢就使出必殺技，幫市民畫狗仔年畫嚟籌募選舉經費，連出名愛動物嘅毛姨姨，都搵咗佢幫愛犬「孖寶」畫幅水墨畫。

撰文：巫不言

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...