【72家房客唔易做】科達地產主席湯君明：好嘔血！

科達地產主席湯君明蹤橫樓市多年，四年前第一次投得領展物業，當時以逾4億元購入屯門寶田商場，但經營屋邨商場，就連做慣大刁的他也覺得「嘔血」。

湯君明直言：「這樣子的商場，坦白講，好嘔血，所以個目的我想賣左佢。呢攤租不是咁易收，好煩呀，七十二家房客，加上背後房委會又咩呀，攪攪震呀。」

湯批評房委會要求多多，「最搞笑出面殘到暈的兒童遊戲都無人玩，又甩皮甩骨，我拆左佢又叫我裝，我問它我地要講實際唔講守則，它話唔係架，你個公契買個個商場有講你要做，我話市變遷啦，以前都無人玩。」

大業主湯君明亦為小市民抱不平。「翻新個商場，價值係高，但佢去蕪存菁，吸引左另一類嘅租客入嚟，可能唔係當地嗰啲市民需要嘅嘢。」

「你如果深入咁諗呢個責任係邊個，你怪領展，領展嘅藉口就話我為股民增加佢收益，咁應該怪邊個呢，佢領展唔係做公德的一間公司嚟㗎嘛，我認為最應該歸咎嘅係政府手上。」

撰文：財經組

攝錄：財經組

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...