【美心專出豪放女】《逆緣》夏文汐未紅前 與王小鳳做知客冧爆有錢佬

夏文汐喺大台「逆緣」出山演出，仲要同黎諾㦤嘴嘴，即時勾起一班中環「伯父」喺美心嘅美艷回憶。

其實夏文汐與王小鳳兩位「豪放女」，未入演藝界之前都曾經係美心旗下嘅餐廳做過知客，以前冇返咁上下樣貌同身材都冇資格係中環餐廳做知客。

兩位豪放女曾經喺中環太古大廈二樓間高級西餐廳Cafe Gigi做，呢個位置以前好隱蔽，方便啲有錢佬下午過條天橋去低調地飲下午茶，聽啲「伯父」講，以前啲女侍應好怕醜，啲茶客塞貼士俾佢哋手仔，驚到縮開手㗎，唉！時移世易，家陣啲女仔開放好多，十幾年前，喺大會堂美心皇宫做過知客兼且是香港划艇代表隊員的陳學殷，俾美心富豪老茶客睇中，發展「爺孫戀」，最後陳學殷因錢銀瓜葛而勒索富豪繼而入罪，更把雙方性事醜聞放上法庭。

即使美心現時揸拂人伍偉國第一任老婆朱婉嫻都係出身於大會堂美心皇宮知客，所以夏文汐呢位美心知客一出山，激起唔少香艷故事！

撰文：宗菁華

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...