【蔗渣價錢燒鵝味道】逾200萬搞素食buffet 80後兩年半回本兼開分店

唔怕生壞命，最怕改壞名，阿邦三年前於北角開素食buffet「無肉食」，當年鋪頭認真「無肉食」，花了二百多萬開鋪，只月賺兩萬多元。最近竟然發現旺角、佐敦都開了無肉食的分店，一問之下原來北角店兩年前已經回本，老闆阿邦才決定開分店。

「北角開咗兩年幾，見回咗本，就開佐敦店，運作差唔多半年左右，今年一月初再開旺角鋪。其實無諗過，坦白講我都無諗過跟住落嚟點樣行，其實好多嘢好自然地就會出現。」兩年半回本，計起來即是約月賺十萬，較那時賺多四倍，阿邦以一貫雲淡風輕的態度，分享猶如佛偈的成功心得，「對身邊嘅人，對大自然，對任何嘢其實都抱住一個「愛」字，將推廣素食依個初心延續。」

聽起來很虛，阿邦以行動去實踐，「我哋用靚嘢，珊瑚草又好，日本秋葵都好，任你食，你用好嘢客人係知道。對員工都抱個愛字，當然好難同酒店比啦，但出面萬七、八請個廚炒嘢，我哋出二萬幾。我哋又無處理肉類，廚房比較乾淨，都比較夥計走，所以質素都比較穩定。」

阿邦說因為這個理念，與不少食客結緣，記者到訪旺角店當晚，有伯伯專程由北角來臨支持新店，「新鋪裝修個陣有啲問題，都有食客幫手，用平一半價錢處理好。」他說當拋開所有東西，不去計較時，很好回報會跟着來。阿邦所說的，或者包括兩間分店在內。

撰文：財經組
攝錄：財經組

相關連結：
【$100素食自助餐】平同行一半 80後老闆靠三大法寶
https://bit.ly/2rdKp3y


《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...