【60歲皮膚零鬆弛】「展昭」何家勁六張保持高顏值 返港露爆肌Body

當年係亞視小生，有個朵，叫「港版西城秀樹」的何家勁，90年代拍罷台劇《包青天》的「展昭」一角而彈起，不經不覺今年已經六十歲！
最近佢返咗香港，約埋老友林國斌去茶餐廳醫肚，估唔到六張嘢嘅何家勁，皮膚光滑冇皺皮， keep到似三十歲咁青靚面淨，堅呀！Body亦保持一副有心有力嘅戰鬥格，胸肌若隱若現，同佢個樣一樣，保鮮值極高。
呢位凍齡男神，依家喺內地好巴閉架！身為惠州市政協委員，仲係老闆，喺內地出埋健康食品「勁家莊」。佢個食品廠設係惠州，佔地六十幾畝，生產同鎖售穀物類健康嘢食，自己要做生招牌，唔怪得keep得咁好啦！
佢間廠仲成為當地旅遊景點，開放俾人參觀，所以何家勁將個大堂佈置成「開封府」，放咗佢嘅展昭爉像做鎮場之寶，好搞笑。而最近又開埋麵包店，擴展營商版圖。
喺內地吃得開，養過百員工嘅佢，香港浮面嘅物業卻只有95年買入，依然升至二千幾萬嘅廣播道雅樂園。
不過有樣有米有地位，六十歲嘅何家勁，除咗上世紀同圈中人李婉華拍過三年拖，一直到依家都仲係單身，未肯封盤。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app
相關新聞:【港版西城秀樹】憑展昭紅遍東南亞 何家勁曾與李婉華拍拖3年
https://bit.ly/2GSQ4We

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...