【力王整蛋糕】樊少皇學浪漫氹JJ :你滿意我就滿足

樊少皇有名你叫「力王」，動作演員兼動作指導一身，形象向來硬橋硬馬，不過16年娶咗JJ(賈曉晨)，今年初又再做老豆之後，佢成個人脫胎換骨一樣。

呢位鐵漢被訓練出柔情一面，咪睇佢粗手粗腳，早排為要俾驚喜老婆，走去學整蛋糕。原來陪JJ坐月時候，佢發現老婆好鍾意食月子中心嘅蜂巢蛋糕，之後返到北京都念念不忘，於是呢位力王對手，一邊開工打打打，拳拳到肉，一邊就靜靜雞研究點整蜂巢蛋糕。結果愛心蛋糕製成品，老婆收唔收貨呢？樊少皇咁講：「終於讓你吃上了，你吃滿意了，我就很滿足，愛你們！」掂咗！俾老公氹到鬼咁開心嘅JJ亦留言讚：樊先生學會浪漫了，蛋糕還是親手做…..」兩公婆網上打情罵悄。

樊少皇為佢改變，睇嚟JJ征服男人呢招，內功深厚過佢老公。

立即按此連結Download《壹週刊》:

https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...