【用錯成語好尷尬】張智霖PO夫婦合照：「分道揚鑣」 成龍新創成語「目目在歷」

張智霖同袁詠儀靚靚結婚18年，周不時都會孖住去旅行又會夫婦檔上節目放閃，可以話係模範夫婦。但Chilam突然Po兩公婆嘅合照再講咗句：「在機場，今日分道揚鑣。」分道揚鑣係指兩個人志向，目標唔同而各行各路。張相兩個人笑得開心，唔似係要表達呢個意思啊。所以個Post一出網民都完全無懷疑過兩公婆鬧交或感情生變，而係即刻同Chilam講佢用錯成語，仲成班人一齊研究佢應該用咩成語先啱。
相信Chilam只係想講兩夫婦要飛去唔同地方工作，但就用錯「分道揚鑣」。靚靚都即刻回應佢話：「啊張生，應該係分頭行事。」
其實周不時都有明星用錯成語，之前成龍喺自己嘅新書發佈會將「歷歷在目」，講成「目目在歷」搞到全場大笑。
最近同房祖名傳緋聞嘅歐陽娜娜都曾經想講自己四處奔波好辛苦，但用咗南轅北轍呢個成語，被網民叫佢讀多嘅多啲書。
做明星要俾網民同Fans監視住，真係要好小心，以後出Post前要Proofread減少出錯機會啦，又或者煲返幾集成語動畫廊學下成語囉！

立即下載《壹週刊》Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...