【陀百億金叵羅好攰】凸肚超盈肥胎又肥人 周街搵位坐小心安胎｜每日封面

早幾日超盈跟一班長輩齊歎下午茶，雖然有指她陀B三個幾月，但以壹仔所見，她明顯增磅不少，肥胎又肥人，而且鼻腫腫，十足人哋陀b六、七個月咁樣。
當日謝賢都有份出席，食完東西之後，一班人傾了個幾鐘水，謝賢似乎坐到悶悶地，所以自己走先。
他離開之後，四太先至到餐廳，他們又再傾多個幾鐘。身家320億的四太講明恨抱孫，當然好緊張超盈，所以一有時間就陪她。
四太和超盈打對面坐，原來她有少少鼻水，不想傳染個女，認真細心。
超盈全程都心情好靚，雖然陀B變成幸福肥，個人比較攰，但她不時甜笑，是個幸福準媽媽。
她好容易攰，之後在街上等司機分幾鐘，就要周圍搵位坐，見到石躉都照殺，條腰似乎好酸喎。
不過四太話超盈已經不用返工，在家專心安胎，所以已經比好多孕婦幸福啦。
立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app
相關新聞：
【獨家｜細7年嫩夫來港慰藉】28歲大肚超盈又攬又蹺嗲爆 四太陪未來女婿買底褲｜每日封面
http://bit.ly/2JkmtYo