【住加港男搵樓】唔駛20,000蚊港紙 喺溫哥華租2,500呎花園獨立屋

話晒叫「住加男人」，顧名思義就係住在加拿大的男人，自從去年移居溫哥華之後，有不少朋友都問這邊的情況，當然最關心就是住的問題，首次同大家見面一於睇吓呢邊的樓市。

最近有朋友在灣仔租一房單位都要近20,000蚊，的確難以負擔，溫哥華又如何呢？雖然話呢邊買樓遠不及香港天價，但溫哥華人均收入相對比香港低，去年亦有報告指出，溫哥華負擔物業指數成北美之冠，不過仍然無損溫哥華的樓市，皆因溫哥華氣候怡人，吸納不少本地退休人士到來買樓租樓，今次帶大家睇南溫哥華的一個獨立屋租盤，5房3
廁，三層面積接近2,500呎，兼有私家花園同獨立車庫，距離溫哥華市中心大概20分鐘車程，租金3,200蚊加紙，換算港紙20,000唔駛。

相對呢邊獨立屋的租金，面積連同地理位置，性價比不俗，不過連隨屋內的質素只屬一般，地下有大廳及廚房之外，另外有兩個房間，廚房面積不算大，但仍可放置一張4人餐檯，大門對正樓梯上二樓有兩房一廁。

而廚房旁的門可通往地庫，不過樓梯設置低層正中，令地庫間隔難免有點奇怪，但面積特大，可作活動室及工作室之用，同時設有一房在地庫。

撰文：住加男人

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...