【封面故事●政府「包容」】位位收40萬 揭銅鑼灣私家俱樂部會籍搶爆

「社會要包容，不要咄咄逼人！」政務司司長鄭若驊爆出僭建風波，林鄭聲稱要「包容」；其容忍度，原來是無遠弗界。

過去，政府以平價租金批出私人遊樂場土地，建成大量富豪俱樂部。本刊調查發現，有會所曾違契僭建十六處、無視修葺令十四年，繼續無事，政府既沒有收回土地，更連罰款也欠奉。亦有會所對政府的要求陽奉陰違，未有開放給合資格團體使用。還有一些會所，陷於「昏睡」狀態、殘破不堪，政府亦未有收回土地另作發展。

今日，這些富豪會所，已經不是富商專利，已變質成為中產俱樂部。有錢就是會員，一位難求，有價有市。正式排隊隨時等三五七年，令會籍仿如「炒黃牛」，於二手市場價格翻倍。對於這些龐大利益網絡，政府採取拖字闕。

中華遊樂會：唔係會員無得入來
位於銅鑼灣中央圖書館旁的中華遊樂會，位處勁靚地段，佔地十八萬呎，目前只是交每年二百六十萬元地租加差餉。記者親身到中華遊樂會，門口有保安坐在更亭，未有查問任由記者自出自入。中華遊樂會曾向民政事務處講明，會開放五條高爾夫球發球道、室外網球場、壁球場、乒乓球枱等等，給合資格團體，合共每月一萬四千多個小時，大部分屬優先預訂時段。

記者試一試，到地下的訂場處詢問，職員回覆指，外來團體訂場需聯絡康體部，記者致電康體部查詢，卻被拒絕，「你唔係會員無得book，依度淨係會員，或者會員帶你嚟先用得，因為我哋無對外開放。」當日接待處的職員還不耐煩地着記者網上填表格，「所有嘢都係網上搞，其實我哋係私人會所，一定是會員才可以使用，你今日有沒有會員陪同你來？(沒有。)無就唔好意思，你唔可以係度留低。」便趕記者離開。

會籍賺大錢
政府於一二年曾經修例，以後續租的私人遊樂場，需要至少每月開放五十小時予合資格團體，更有指定時間讓他們優先使用，當中包括學校、獲政府資助的非政府機構、體育總會，中華遊樂會明顯無理政府要求，但未見對佢繼續合約有可影響。

而遊樂會更藉會籍賺大錢，跟據財務報表，會費及活動收入達到一億元，上年賺二千五百萬。中華遊樂會的會籍有兩種：普通會員、提名會員，前者要四十萬，後者一百萬，分別是能否炒賣，「普通會員四十萬，用一世，唔可以轉讓。提名會員就一百萬，可以轉讓，如果唔要個會籍可以去二手市場買賣。兩種都要排隊大概五、六年左右。」現時可轉讓的會籍二手價由一百七十萬至一百九十萬元。

從一五年的財政報表所見，中華遊樂會曾外判了健身室、男女按摩室、體育用品店、及中餐廳業務給第三方經營。非牟利機構找來私營牟利機構運作，未知誰人得益？

撰文：財經組
攝錄：財經組

相關連結：
【封面故事●曾斷正】入會分多條人龍 白沙灣遊艇會泊滿呢款「存放架」
http://bit.ly/2oQSZE6

【封面故事●政府賒住】一個斜坡維修 渣甸山居民會拖足14年
http://bit.ly/2H9alnd

【封面故事●起埋跑道】和黃霍建寧頭馬出面 呎租6仙搵到地方放飛機
http://bit.ly/2I7EXXM

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...