【喪葬奇聞揭秘】考試旅行唔辦喪事 遺體過期因住屍變

今日教大家擇日，雖然講完你都唔會識，都係要俾錢師傅，唔緊要，正如你唔識飛機工程，但你識得搭飛機去首爾濕平、睇知啫近演唱會。

唔係講結婚嫁娶，《仁鬼殊途》邊有好嘢講，而係擇日出殯。如果要辦喪事--非常唔好意思--唔係揀好日，好日你用嚟結婚--亦都對你深表同情，尤其肯用一年搞個婚禮的--喪事只揀可以用的日子。

不與先人相沖，沒有三喪、重喪、伏喪、債不就可以用。你唔會明我寫乜，因為我都唔知自己寫乜，陳達仁咁講，我就咁寫，但我知道「債不」讀音「債躉」，都算係咁。

日子吉凶宜忌還在其次，最重要在先人離世一個月內出殯，事關個半月後遺體或會縮水，兩個月後更可能發臭，偏偏好多人覺得一家去旅行、仔女考試比先人重要，或者要等星期六、日治喪，人人都係咁，結果周末爭崩頭。

唔係呢，平日出殯，打搞親戚朋友，會俾人鬧架！咁你叫親戚朋友有機會自己問先人。唔係呢，真係做嘢太忙無時間呀！唔知點解去首爾濕平、睇知啫近有時間，係咪等到屍變先安樂？

 

撰文:陳勝藍

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...