【香港人放鬆啲】生活迫人框死想像力 江記：寬容心好重要

如果將畫風可愛的《丁丁企鵝》和《離騷幻覺》對比看看，你不會相信這是出自同一人手筆。

但它們確實都是本地漫畫家江康泉（江記）的作品。

江記為何投身創作，或許可以從童年愛好尋找軌跡。他讀小學時，《叮噹》、《北斗之拳》、《聖鬥士星矢》等日本漫畫大行其道，一群小學雞畫畫癮起，就一起跟著畫。

「喺A4紙度畫畫畫，畫好多好似漫畫嘅東西，然後就咁搵釘書機釘一疊，好肉酸、唔齊嘅，小息嘅時候，大家就交換嚟睇，跟住笑下大家。」

江記母親是大馬華僑，在兒子手抱般大就帶他來港生活，但他不認為自己和身邊的人不同。

「所以我會畫企鵝。香港冇企鵝，佢嚟自南極，睇好多事物同我哋嘅角度唔同。呢個故事係提我，呢個城市就係有好多千奇百怪嘅人。」

他說，在香港從事創作的困難，也是生活上的困難：「我面對嘅問題，其實其他人一樣面對緊，例如空間上嘅壓迫感，資源嘅緊絀。」

最困擾江記的事，是香港人不相信想像力。

香港地，一切都彷彿有限期，一切都要快。「雖然image都好強，但當你要表達好多訊息嘅時候，你慢慢就會依賴咗語言。」

因為貪快，所以心急。人們缺乏寬容心看待事物，會偏向以單一方式接收資訊，逐漸將自己困死在一千零一個和世界交流的方法內。

江記坦言，自己的作品都曾經有段時間依賴語言，讓他感到有點疲憊。

「即使我係一個讀者，我睇手機嘅時候，睇作品嘅時間都好短，睇得好快，有小小唔明我就碌走㗎啦。」

「但係願意去睇一啲唔明嘅嘢，睇作品嘅時候尋找一啲想像空間，呢種心態我覺得非常重要，而呢個城市係好缺乏。」

反過來說，香港人要有想像力，就要有寬容的心，而好奇心或許是一帖良藥。

「我呢幾年成日睇返《牛仔》啲漫畫，然後就諗返細個最初，或者一啲細路仔啱啱開始睇漫畫時嘅反應係點。」

「佢會問好多問題：呢個係咩嚟嘅呢？呢個係氣球定足球啊？呢個係咪好人嚟㗎？呢個係咪壞人嚟㗎？呢個係車定飛機？有好多問題佢睇唔明，但佢其實好enjoy。」

「喺嗰個階段睇作品，其實佢唔係搵緊一個答案，係經驗緊一個過程，然後呢個過程刺激佢對世界有好多想像。」

「錢唔係一舊死咕咕嘅嘢嚟。錢其實係想法，錢嘅流動其實係跟人嘅想法走。如果人嘅想法能夠自由啲、寬容啲嘅時候，錢嘅流動，dynamic嘅感覺就會強啲，可能性會因此增加。」

撰文：鄭語霆
攝錄：王晴

立即按此連結Download《壹週刊》: https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...