【率先爆●茶餐變快餐】翠華新武器 收銀無得撈?

茶餐廳翠華（1314）去年底推出全新烘焙品牌，名為「BEAT by Tsui Wah」，在尖沙嘴港鐵站內開設首間麵包店，主打健康款式，賣天然酵母製作的日式麵包，及排毒水果茶等。原來，翠華還想開拓快餐店業務，同大家樂、大快活直接對憾，

喺將軍澳嘅天晉匯商場，有間食肆叫「廿一堂EATery 21」，仍未開業，但基本椅桌設備已齊全，有數名工人在裝修場地，包括安裝電燈。係呢個餐廳名下面，有隻細粒到差啲睇唔到嘅字，寫住「by Tsui Wah」，神秘到以為翠華係唔見得光既！而在門口餐牌下方，設有八達通付款拍卡機，同而家麥當勞行緊嗰套一樣，供客人自動化點餐，咁就連收銀都可以慳返啦！附近商戶稱，自九月開業以來，僅見「廿一堂EATery 21」試業半天，其餘時間都維持裝修階段。

而翠華集團網站顯示，除翠華餐廳外，集團其他業務包括外賣送餐「快翠送」及到會餐飲「至尊到會」，未有上載「廿一堂EATery 21」的相關資料，似乎係秘密武器！

撰文：邱嘉幸
攝錄：梁正平

相關連結：
【率先爆●秘密武器】翠華賣「煩躁豬扒飯」 又賣排毒水果茶：感覺健康啲
http://bit.ly/2HUee0x

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...