【中環人語】藍血高球會長頭痕 球會保衞戰要點打？

粉嶺哥爾夫球會部分靚地，隨時被政府收回，球會會長黃子超（Arnold Wong）都十分頭痕，雖然佢個人同張CV都好「靚仔」，是正牌藍血人Blue Blood，老豆係前律師會會長黃頌顯，是東亞銀行創辦人之一，Arnold於英國牛津大學畢業，修讀法學Jurisprudence，喺倫敦KPMG滙豐投資銀行部都做過，同一班少爺兵創辦食肆Classified；不過呢場球會保衞戰唔易打。嗱，清明又快到，小宗醒Arnold一條好橋，貼地啲同班新界鄉紳打吓交道！何解？早喺粉嶺哥爾夫球會成立之前，上水廖氏族人祖墳早已設於球場內，英國佬政治手腕了得，祖墳塊地雖然劃入球會之內，但每年清明節皆開放讓廖氏族人浩浩蕩蕩入球會祭祖；而每年四月份廖氏原居民皆可到上水鄉事委員會報名，申請入會打高球；雖然只限打波未能享用餐飲設施，也足以令鄉紳揸住支球棍去威威；粉嶺哥爾夫球會如要動土起樓，影響到廖氏祖墳，班鄉紳仲肯過你咩？附近許世勳家族「愛園」塊地想起樓，因為「踩到」附近松柏塱村簡氏族人之龍脈，遭到鄉紳群起反對，連城規會都say no。

撰文：宗菁華

相關連結：
【中環人語●布局有一手】恒生一姐靠風水 業績標青有升無跌
http://bit.ly/2Dav1Zy

【中環人語●如願以償】曾搶輸農行飲恨 朱太反擊做中環中心大業主
http://bit.ly/2FwBS55

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...