【七國咁亂】劉佩玥追猷亨陳瀅截糊 周志文錯食吳若希被炒

睇返歴史，大台小花劉佩玥同大孖周志文，其實有一個共通點。就係⋯⋯情史一籮籮喇！

13 年港姐季軍阿Moon ，入行之後積極收兵。最巴閉嗰次就係15 年，阿Moon比人影到有賭王個仔何猷亨去探佢班，仲送埋外賣，可惜最後比好姊妹陳瀅捷足先登。跟住拍《殭》嗰陣，又比人影到佢同黃又南匿喺車度談心，不知幾煙韌。之後拍《城寨英雄》，再同對手伍允龍戲假情真，仲成日喺男友屋企自出自入。

直到上年，又有「兵仔」主動獻身，拍新劇《跳躍生命缐》嗰陣，同翟威廉一包野飲兩份飲，仲成日走去對方studio唱歌玩通宵。幾個月之後，阿moon 又比人踢爆撻著有米圈中人，有大水喉射住。阿Moon仲搬咗入價值二千萬嘅半山豪宅。

一個「收兵」唔手軟，另一個就「食女」無數。12年周志文同有錢女袁紫僑Coco 拍拖，但之後拍《名媛望族》嗰陣，背住女友同馬賽摓著，Coco 第一次嗌分手。衰過一次唔夠，同coco 好返冇耐，周志文同蔡思貝拍《衝缐》，比人影到喺台灣拖手，Coco 忍無可忍終於分手。之後周志文仲成功㗳埋吳若希，拍拖之後比Jinny 發現佢繼續溝女，繼而同高層篤背脊，搞到佢冇得留低！所以話呢⋯⋯寧願得罪小人，都唔好得罪女人吖！

立即按此連結Download《壹週刊》: https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...