【少女心食人氣Pancake】過完西班牙三王節 梁詠琪撇甩老公囡囡

Gigi梁詠琪上年開完演唱會，嚟緊又有賀歲片上映，香港Fans成日都見到佢啊。雖然新戲佢唔係做女一，一開始更係客串，點知佢由原定開四組變到開成七組，Gigi都話自己被搵笨啊！不過佢都捱義氣，預咗無仇報。近排佢又同袁澧林拍新戲《小Q》，兩代女神一齊出場，夠晒養眼啦！就算有事忙，佢都不忘陪屋企人嘅，啱啱佢就同老公囡囡過個溫馨聖誕，仲一家慶祝西班牙三王節。
呢日佢難得撇甩家人，同幾個朋友嚟個Girls day。一班女人出門，最好當然係Shopping消費啦！一行四人喺飾品店不斷搜索自己嘅戰利品。Gigi先拎起條頸鍊，不過睇咗兩眼就放返低，之後再去試條手鍊，今次佢就好鍾意啦，揀好佢就拎去俾錢。Shopping完，當然要去醫飽個肚，佢哋去咗食而家近期好Hit嘅梳乎厘Pancake，夠晒少女啊。放完自己一日假，又要返去湊女拍戲啦！

立即下載《壹週刊》Apps，隨時隨地睇盡時政專題、深度偵查、娛樂熱話！按此連結： http://bit.ly/next28app