【立會奇人●九西怒漢】14年住板間房 蔡東洲爆喊挑葉劉機：佢瞓劏房1秒鐘

蔡東洲早前出席論壇時，談到住屋問題即淚灑當場，全因這勾起了他的基層生活往事：一九八四年，六個月大的時候隨家人來港定居，童年居於觀塘板間房，一住十四年，「細個我有時被媽咪攞藤條打，我就會跑去其他板間房，向叔叔嗌救命，咁叔叔就會幫我擋幾下。」童年基層生活，令他體驗到「獅子山下」精神：「純粹是板間房入面同舟共濟，守望相助的香港人精神。」記者邀約訪問時，對方選定了在白田邨，這條正在陸續重建的老牌公共屋邨，在蔡東洲所言，反映了港人獅子山下守望相助，奮力互勉的精神。「你懶惰爬得冇咁高，如果你好勤力就爬高啲。」

相比起自己童年，蔡東洲認為現在港人住屋質素更差，「以前我喺觀塘區，嗰個叫板間房，今時今日我們的居民住的叫劏房、棺材房，我覺得好侮辱香港人的尊嚴。」面對嚴峻住屋問題，社會近年再有要求政府收回粉嶺高爾夫球場用地建屋聲音，蔡亦支持這項倡議：「個高爾夫球場用來起樓啦大佬！就嚟冧啦香港！」

然而，蔡東洲對保皇黨「關心住屋」言行非常不齒，炮轟新民黨主席葉劉淑儀去年參選特首時瞓劏房一幕，只是做騷：「佢似咩嘢人呀葉劉淑儀！佢瞓喺劏房嗰張床一秒鐘，影咗一張相，你咁就叫關心市民權益？」「我瞓板間房十四年啦，都唔夠膽話爭取到基層市民權益啦！你叫佢食屎啦！葉劉淑儀！」

談到民主派與保皇黨之爭，蔡則明言社會不應再分黨分派「點解要將人區分到不同派系先？大家望一望天空上面，大家香港人係咪望任同一個天空？除咗副眼鏡係咪望住同一個天空？唔好戴有色眼鏡睇人先得咖！」認為香港人不要再用有色眼鏡去將人分類：「唔好咁樣分呀！真係會害死香港！」立法會議員更應該不分派別：「槍口一致！對準政權！DQ鄭若驊！同時要我們關愛弱勢社群。」

蔡東洲在訪問期間，多番強調議員應關懷社會上弱勢的一群：「立法會議員的職能是槍口一致，對準政權，好冇？唔好恰我哋啲弱勢社群，我真係會喊，你知不知道？」而談到一旦當選想要在議會做到的工作，也離不開弱勢：「因為我係覺得要立法監管虐兒呀、同埋新移民嗰啲囉……如果我諗到，如果我早啲出來，就唔會發生臨臨呢件虐兒事件（屯門虐兒案）……」話語剛下，蔡東洲即哽咽痛哭，可見破口大罵建制派的怒漢，背後仍有一顆溫柔脆弱的內心。立法會九龍西補選的候選人，還包括民主派姚松炎及民建聯鄭泳舜。

撰文：忻肇康
攝影：王晴

相關連結：

【立會奇人‧九西怒漢】曾加入民建聯 蔡東洲變陣：玩死建制垃圾保皇狗！
http://bit.ly/2FmL34G

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...