【率先爆●你玩哂!】翠華賣「煩躁豬扒飯」 又賣排毒水果茶：感覺健康啲

翠華係將軍澳，搞佢地快餐店嘅頭炮，喺門外嘅餐牌顯示其中兩款菜式，竟然分別是「煩躁豬扒飯」，以及「私房海南雞香茅飯及餐湯」。「煩躁豬扒飯」有幾煩躁？睇相就同一般豬扒飯無咩分別。

除左呢間快餐店，翠華為慶祝上市五周年，去年十二月開設「BEAT by Tsui Wah」賣麵包。記者於上周六下午現場所見，人流跑贏隔兩個鋪位的東海堂，但整體也不算旺。店員落力向顧客推介產品，指其自家製麵包採用純天然酵母、本地新鮮製作，不含防腐劑，所以最多只能保存一、兩天。她指一般麵包擺放兩三天仍然鬆軟，是由於以較劣質麵粉製造。「BEAT by Tsui Wah」設於港鐵站閘內，她表示「熟客直頭特登入閘買⋯⋯佢話好想食好食，焗住入閘。」店員向顧客介紹水果酵素對人體有益，「排毒、護肝，或者去toilet暢順D」。排毒飲品保質期僅一日，須「即日產即日飲用」，店員解釋排毒飲品新鮮製作，一天分三次運來，「朝頭早一車，晏就一車，到三點呢車之後就無」。店員稱曾勸阻某些自由行人士購買排毒飲品，由於對方打算買十幾瓶排毒水果茶，翌日才帶回內地，擔心對方貯存不當令飲品變質。

撰文：邱嘉幸
攝錄：梁正平

相關連結：
【率先爆●秘密武器】翠華試搞快餐店賣雞飯 點解唔使收銀員？
http://bit.ly/2CQVY4j

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...