【一家三口睇戲】名導邱禮濤有個孝順女 全程伸手扶實行動不便爸爸

邱禮濤導演，相信無邊個香港人未聽過佢個名，大大話話做咗導演三十幾年，執導超過70部電影喎，其中仲不乏港人熟悉嘅戲，例如《八仙飯店之人肉叉燒包》、《陰陽路》、《雛妓》、《拆彈專家》等等。
作為名導演，連星爺都要搵佢聯合執導《新喜劇之王》，可想而知邱禮濤幾咁忙，所以難得有時間，佢都要同兩位情人去拍下拖㗎，一個係佢老婆，另一個就梗係前世情人，亦即係佢個女啦。早前《壹》仔見到邱禮濤一家三口行商場，期間入咗間舖睇酒，兩公婆都同店員好好吹，睇嚟係熟客仔喎。至於個女就眼望望點下頭咁，睇落興趣不大。
雖然個女似乎唔好酒，未必能夠做老竇嘅酒友，但佢就好乖女，成程扶實行動不便嘅爸爸並排而行，成段路亦有說有笑，關係非常之親密，睇得出就算邱禮濤平日忙於工作，未必有太多時間同個女相處，但兩父女感情一啲都無生疏、隔膜。反而老婆掛住撳電話，自己一個墮後跟住。
一家三口最後去咗睇戲，入場前分頭行動買飛、買汽水爆谷，唔知係咪睇返自己執導嘅戲呢？
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...