【港股插千點】阿叔無懼「股災」 趁勢撈底買碧桂園

騰訊（700）大股東沽貨急瀉，加上受中美貿易戰疑慮影響，恒指今早開市暴跌，小股民牙痛咁聲，亦有人心郁撈底。

在北角一間銀行所見，有師奶神色凝重，大呻損失慘重，「影響梗系大啦，大佬，唔見幾多錢呀！388港交所又跌六個幾，你知唔知呀，一萬股就唔知六萬幾呀！唔止港交所，隻隻都跌呀，無邊隻唔跌。」不過她安慰自己，大市遲早會升回，「無辦法，唔好愁喎，佢梗會起。啲正股唔愁架，又唔系買孖展。孖展就驚啫，正股唔怕，梗係有起有跌架，擺係度等佢起囉。」

亦有阿叔坐立不安，並非擔心股市大跌，而是心郁趁低吸納，「今朝跌千幾點，飲茶個陣我老婆話我（做咩）成日頭擰擰......」在旁的阿姐亦聳恿他不要「走寶」，阿叔隨即入六手碧桂園，並分享他以往幾次出入碧桂園賺錢的威水史。阿姐提醒記者不要買受貿易戰影響的股份，又向記者推介銀行股，首推中銀，其次是農行、工商，稱「因為加息對佢哋好嘛。」二人對後市仍然樂觀。

撰文：財經組
攝錄：財經組

相關連結：

【港股插水】阿爺接騰訊？ 下周二揭曉

https://bit.ly/2INDg1Y

【港股插千點】阿叔無懼「股災」 趁勢撈底

https://bit.ly/2FUrp4a

 

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...