【46歲凍齡keep靚】入行廿四年受盡白眼 康華露红底反撃

喺娛樂打滾咗廿四年，康華一直被安排做三、四缐角色，不過佢並冇灰心喎！咁多年黎，康華一直搵機會上位，出盡奇招搶鏡。

94 年選港姐落選，公認有演技嘅康華，一直冇機會發圍。為咗尋求突破，康華多年黎出盡千方百計，希望上位。01年康華有份做《陀槍師姐3》，當年收視破晒紀錄，喺宣傳活動入面，康華突然以一身藍色比堅尼出然，全場O晒咀，連女主角蔡少芬都要行埋一邊呀！之後康華keep 住洗出奇招，成功爭取見報機會！

試過喺新劇嘅拜神儀式，著住低腰褲嘅康華，一坐低成條紅色「喱士」底底飛咗出黎！行咗一陣性感路缐，事業繼續冇起色，康華又有新招！話說當年喺《歡樂滿東華》嘅魔術環節，阿sa阿嬌拒絕同康華同台，之後康華見記者嗰陣非常激動，仲爆喊話：「佢哋真係好傻！」，又一次見報！

死守大台十年，康華依然離唔開做路人甲，壞女人嘅角色。後來康華終於都開竅啦！都係搵錢最實際。 雖然喺內地都係做三、四缐角色，不過密食當三番，康華仲儲到第一桶金，即刻拎黎買磚頭。為咗保持競爭力，康華努力凍齡，keep 住靚樣。睇返而家四十有六嘅佢，同廿四年前其實都冇乜大分別，都真係有啲計喎！

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...