【咁快有新男友！】去年與墨西哥老公離婚 35歲陳逸璇孖老外新歡睇戲

舊年三月，陳逸璇自爆同結婚三年的墨西哥籍老公Marc，因長期分隔兩地，搞到感情變淡，最後離婚收場，再見亦是朋友。當時，Jolie仲話自己重投環球唱片懷抱，想當年，佢喺環球同李克勤首《合久必婚》好hit！離婚後，佢準備出新歌，會寄情音樂。事隔一年後，呢晚見到Jolie喺戲院出現，仲以為佢單拖睇戲，原來，係同個老外齊齊睇。

老外邊行邊講電話，悶到Jolie打晒喊路，老外知道忽略咗佢，伸手摸住Jolie條腰，掃吓摸吓咁，擺明係安撫對方。有咁嘅肢體動作，就知佢兩個唔係普通朋友咁簡單啦！落電梯時，老外新歡仲手舞足蹈咁講嘢，引到Jolie笑到哈哈聲好開心，呢對拖友都幾sweet！同老公離咗婚一年，Jolie有自己嘅新生活都啱嘅！

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...