【淘到不是寶】淘寶傢俬三個月發霉玩完 不如去實體店

香港人在淘寶買衫、家品已成為習慣，帶挈順豐店於十八區遍地開花。於Style 50s買傢俬比淘寶店貴上一倍，但老板Tommy說其實除笨有精，「我哋賣二千蚊，淘寶賣五百人仔連運費，大約一千蚊。但係淘寶買傢俬好似抽獎咁，一件合格的傢俬難求，隨時三個月就爛。開箱個下，真係好似開禮品睇結果咁，因為淘寶貨，唔見光嘅位，佢哋就唔會處理，佢只會俾你一個感覺係一張櫈，坐到就得。」

不見光的位，沒有處理，輕則劖刺，「佢螺絲位未修好，下邊便會劖手，它的完成度不夠好。」重則發霉、生蟲，「本身木要抽乾水份，如果裡面還未乾，或者還有水份，其實它是會發霉，之後會有蟲、聞到有餿味。」花上千元買的傢俬，三個月玩完，「未抽乾水，就如樹枝一樣，一啪就斷。」

他說淘寶貨很多時用雜木用，運送時損壞亦不會負責。雖然Style 50s的價錢貴上一倍，但Tommy說公司的傢俬，會有一個出口證明是泰國柚木，運送過程如有損毀，亦會修復。

撰文：財經組
攝影：財經組

相關連結：
【納米傢俬】香港未來變袖珍城市 單位細傢俬細
https://bit.ly/2JSZgJg

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...