【母愛滿瀉】撇星爺戀百億廖創興大少 于文鳳日日公園湊「仔」

見到于文鳳，大家最印象深刻都係佢同星爺嘅一段情。同星爺分咗手8年，近年于文鳳同廖創興主席個仔Andrew 行埋，感情仲好穩定。不過連日黎，《壹仔》撞到于文鳳唔係拍拖，而係湊「仔」。

冇見一排，于文鳳似乎圓潤咗。睇返佢以前啲相，應該一百磅唔夠。而家就開始有返啲肉地，仲有個小肚腩添！對住呢個肥嘟嘟又攣毛嘅小男孩，于文鳳啲母愛湧晒出黎喇。呢日見到佢地同一班外籍小朋友喺公園玩，雖然有保鏢同姐姐跟住，但于文鳳樣樣落手落腳，冇靠人架！

小男孩玩緊嗰陣，于文鳳喺後面跟到實一實，不知幾咁緊張。跟住小男孩扭計，于文鳳又好有耐性咁㝽完又㝽。玩到身水身汗，于文鳳又落手落腳，幫佢換過件衫。見佢湊「仔」咁熟手，唔講真係以為佢先係阿媽呀！

第二日《壹仔》又見到一身「lady」打扮嘅于文鳳繼續凑「仔」。放學之後去咗公園，放咗一輪電。臨走嗰陣，仲記得吩咐姐姐幫小男孩抹乾淨對手，真係好細心架！ 跟住一班人沿路經過寺廟⋯⋯祈個福先！

想當年于文鳳做投資顧問，幫星爺副身家不斷滾大。唔止識理財，原來仲有做賢妻良母嘅潛質，唔通星爺今次真係走寶？

立即按此連結下載《壹週刊》APP：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...