【兩公婆攬實二人世界】助杜德偉實現生夠3個 家族總動員幫手湊仔

杜德偉年過半百生咗個仔AJ，立即變得有仔萬事足。每星期平均離港三日搵奶粉錢嘅佢，一返到嚟當然要family day啦！不過，企喺佢身邊，仲要幫手抱埋B嘅女士，唔係佢老婆喎！之後更一人一邊拖住小朋友行，好似一家三口咁，唔通……
唏！咪多心，老婆可能去個廁所遲咗出嚟啫，轉個頭咪出現返抱返自己個B囉。之後一行四人入咗商場歎下午茶，大人食嘢，當然唔少得個寶貝仔啦，見到造型可愛嘅食物，立即買俾AJ。話時話，點解俾個仔戴綠冷帽咁搞笑？好彩除得快，又熱又焗唔舒服㗎嘛。依家兩歲幾嘅AJ真係好得意，肥嘟嘟而且成日微微嘴笑好開心咁嘅樣，睇見佢覺得心情都好啲，想笑埋一份。
AJ天生有副氹人開心嘅得意樣，難怪一家大細都咁錫佢啦，有次更加係家族總動員出動，有男有女、有老有嫩咁簇擁住AJ去玩具反斗城。一提起阿仔，杜德偉特別上心，連幫阿仔揀玩具都寧舍興奮。不過佢揀嘅玩具粉紅色行可愛路線，AJ似乎無興趣，反而自己揀咗條鯊魚玩具攬住唔放，仲四圍行紮紮跳，相當趣致。
呢日成族人出動幫杜德偉湊仔，佢之後都樂得輕鬆，攬住老婆去過二人世界維繫吓夫妻感情，話晒佢目標係生足三個，仲話最好第二胎就打孖上雙胞胎，可以早啲「收工」。如果成事，咁就真係要好好錫晒老婆喇！
立即下載《壹週刊》Apps，隨時隨地睇盡時政專題、深度偵查、娛樂熱話！按此連結：http://bit.ly/next28app

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...