【打波先嚟落雨】勿齋靠正能量 江記：坦承面對人性陰暗

「我覺得呢個城市生活嘅人係有好大嘅恐懼，嗰種恐懼係覺得，如果唔努力裝備自己，你係會活得好辛苦。」

本地漫畫家江康泉（江記），不但看到香港人缺乏想像力的一面，更看到恐懼衍生的壓力，如何向外擴散。

一句「贏在起跑線」，令無數學子慘成犧牲品，很多家長或許為意自己的恐懼感如何逼迫子女，但人在江湖，身不由己，「你咁做，唔通我唔咁做咩？」

人看事物，看到黑白還是彩色，有時只在一念之間。江記認為近年社會氣氛相當壓抑，但身邊不少朋友，都嘗試在各自生活的領域，尋找新可能、新空間。

世界好灰，是基於自身體驗，還是源於偏見？

「喺而家接受資訊嘅方法入面，如果呢一班人唔係我朋友，我會唔會唔知呢個城市有人做咁多美好嘅嘢呢？」

「如果我哋接觸人，可以更加真實地去接觸佢，可能你真係去到佢工作嘅地方，或者你真係同佢傾過偈，對於世界嘅諗法可能就會好唔同。」

近年流行講「正能量」，但一味強調正能量，是不是就能解決問題？

江記說，創作是人的本性，透過連結其他人抒發喜怒哀樂。當中的重要一課，是懂得坦承面對內心。

「你要承認人嘅情緒有高有低，有開心有唔開心，而唔係將人嘅情緒單一化，你keep住咁樣就叫好㗎啦。」

「如果我哋而家覺得好灰嘅時候，你咪話好灰囉，其實冇嘢㗎。」

「我每日都會先諗一堆好灰嘅嘢，然後去到尾就提自己：其實都可能可以唔係咁嘅。」

作為創作人，更要掌握和認識各種情緒，明白人心就是千變萬化。

「如果你覺得人只能夠以一種模式存在嘅話，你其實係隔絕咗其他人。」

撰文：鄭語霆
攝錄：王晴

立即按此連結Download《壹週刊》: https://goo.gl/NVySCK

《壹週刊》28周年，無懼風波，堅持敢言，壹直企硬。


2018年改革版《壹週刊》流動應用程式，換上耳目一新的設計，讓用戶更易於瀏覽各式新聞影片及圖文資訊，立即按此連結下載最新版本 iOS及Android APP，即可體驗精彩不絕內容：https://goo.gl/NVySCK

壹週刊 : http://nextplus.hk/
即 like 壹週刊 fb : http://www.facebook.com/nextmagazinef...